ಅಲ್ಲಿ ಸುಮಾರು ೧೫ ನಿಮಿಷಗಳ ವರೆಗೆ ಕೇವಲ ಫೋಟೋ ತೆಗೆಯಲು ಮತ್ತು ದೂರದಿಂದ ನೋಡಲು ನಿಲ್ಲಿಸಿದ್ದರು . ಸಣ್ಣಗೆ ಮಂಜು ಕೂಡ ಬೀಳುತ್ತಿತ್ತು. ಆದ್ದರಿಂದ ಎಲ್ಲರೂ ಬೇಗ ಫೋಟೋ ತೆಗೆದುಕೊಂಡು ಬಸ್ ಸೇರಿಕೊಂಡೆವು .ನಂತರ ಗ್ರಿನ್ದಲ್ ವರ್ಲ್ಡ್ ಎಂಬಲ್ಲಿ ನಮ್ಮ ಬಸ್ ನಿಲ್ಲಿಸಿ ಯುಂಗ್ ಫ್ರಾ ಕ್ಕೆ ನಾವು ಹೋಗಿದ್ದು ರೈಲಿನ ಮೂಲಕ .ಯುಂಗ್ ಫ್ರಾ ಎಂಬುದು ಯೂರೋಪಿನ ತುತ್ತ ತುದಿ . ಇದು ಅತಿ ಎತ್ತರದ ಪರ್ವತಗಳಲ್ಲಿ ೩ ನೆಯದು .
೧೧೩೩೨ ಫೀಟ್ ಎತ್ತರಕ್ಕೆ ಸುಮಾರು ೧೦೦ ವರ್ಷಗಳ ಹಿಂದೆಯೇ ಟ್ರೈನ್ ಅನ್ನು ಹೋಗುವಂತೆ ಮಾಡಿದ್ದಾರೆಂಬುದು ನಿಜಕ್ಕೂ ಅಚ್ಚರಿ ಉಂಟು ಮಾಡುತ್ತದೆ. ಹಿಮಗಳ ನಡುವೆ ರೈಲು ಹೋಗಲು ಟ್ರಾಕ್ ಅನ್ನು ಕೊರೆದಿರುವುದು ನಿಜಕ್ಕೂ ಮೆಚ್ಚುವಂತದ್ದು. ಇದು ಪರ್ವತದ ತುತ್ತ ತುದಿಯಾದ್ದರಿಂದ ಇಲ್ಲಿ ಉಸಿರಾಡಲು ಸ್ವಲ್ಪ ತೊಂದರೆಯಾಗುತ್ತದೆ. ನಾವು ಹೋದಾಗ ಇಲ್ಲಿ ಹಿಮ ಸುರಿಯುತ್ತಿತ್ತು . ಇಲ್ಲಿಯೇ ಒಂದು ಐಸ್ ನ ಗುಹೆಯನ್ನು ಕೆತ್ತಿದ್ದಾರೆ . ಜೊತೆಗೆ ಇಂಡಿಯಾ ದ ಹೋಟೆಲ್ ಕೂಡ ಇಲ್ಲಿದೆ ಇಲ್ಲಿಗೆ ಭಾರತದಿಂದ ಪ್ರವಾಸಕ್ಕೆ ಚಲನಚಿತ್ರಗಳ ಶೂಟಿಂಗ್ ಗಳಿಗೆ ಬರುವವರು ಹೆಚ್ಚು ಎಂಬ ಕಾರಣಕ್ಕೆ ಇಲ್ಲಿ ಭಾರತದ ಒಂದು ಹೋಟೆಲ್ ಅನ್ನು ಕೂಡ ಇಟ್ಟಿದ್ದಾರೆ. ಇಲ್ಲಿ ಕೇಬಲ್ ಕಾರ್ ಗಳ ವ್ಯವಸ್ಥೆ ಕೂಡ ಇದೆ ಜೊತೆಗೆ ಇಲ್ಲಿ ಸ್ಕೀಯಿಂಗ್ ತುಂಬಾ ಪ್ರಸಿದ್ದಿ ತುದಿಯವರೆಗೆ ಹೋಗಿ ಅಲ್ಲಿಂದ ಸ್ಕೀಯಿಂಗ್ ಮಾಡುವುದನ್ನು ಕಾಣಬಹುದು ಸುಮಾರು ೪ ತಾಸುಗಳನ್ನು ಅಲ್ಲಿ ಕಳೆದ ನಂತರ ನಾವು ಅಲ್ಲಿಂದ ಹೋಗಿದ್ದು ಇಂಟರ್ ಲೆಕನ್ ಎಂಬ ಸ್ಥಳಕ್ಕೆ . ಇಂಟರ್ ಲೆಕನ್ ಶೂಟಿಂಗ್ ಗಳಿಗೆ ಪ್ರಸಿದ್ಧಿ ಪಡೆದ ಸ್ಥಳ ಇಲ್ಲಿ ಕನ್ನಡದ ಹಲವಾರು ಚಿತ್ರಗಳ ಶೂಟಿಂಗ್ ಮಾಡಲಾಗಿದೆ . ಜೊತೆಗೆ ಹಿಂದಿಯಲ್ಲಿ ಪ್ರಸಿದ್ಧಿ ಪಡೆದ ಡಿ ಡಿ ಎಲ್ ಜೆ ಎಂಬ ಚಲನಚಿತ್ರದ ಶೂಟಿಂಗ್ ಕೂಡ ಇಲ್ಲೇ ಆಗಿದೆ .ನಂತರ ನಾವು ಅಲ್ಲಿಂದ
ಪುನಃ ಯೆನ್ಗಲ್ಬುರ್ಗ್ ಎಂಬಲ್ಲಿಗೆ ಬಂದು ಆ ರಾತ್ರಿ ಕೂಡ ಅಲ್ಲೇ ಭಾರತೀಯ ಊಟ ಮಾಡಿ ರಮದ ಹೋಟೆಲ್ ನಲ್ಲೆ ಉಳಿದುಕೊಂಡೆವು.
No comments:
Post a Comment