ಬೆಳ್ಳಿ ಮಂಜು

Published in ekanasu ":http://www.ekanasu.com/2013/01/blog-post_3259.html

ಸುತ್ತ ಮುತ್ತ ಎಲ್ಲಿ ನೋಡೇ 

ಬರೀ ಮಂಜು ಮಂಜು 

ಬಿಳಿಯರ ನಾಡಿನಲ್ಲಿ 

ಎಲ್ಲೆಡೆ ಹರಡಿಹುದು ಬಿಳಿ ಬೆಳ್ಳಿ ಮಂಜು 

ಹಸಿರು ಗಿಡವು ಹೊತ್ತಂತಿಹುದು 

ಬಿಳಿ ಮಂಜು ಹೂವ !

ನೋಡಲೆಂದು  ಹತ್ತಿರ ಹೋಗೆ ಬೀಳುವುದು 

ಮೈಯ ಮೇಲೆ ಮಂಜಿನ ಕಲರವ 

ಸುಂದರವೆಂದು ಕೈಯಲ್ಲಿ ಹಿಡಿಯೆ 

ಬರೀ ಕೆಲವೇ ನಿಮಿಷಗಳು 

ನೋಡನೋಡುತ್ತಿದ್ದ ಹಾಗೆ ಕರಗಿಬಿಡು ವುದು ಈ ಬೆಳ್ಳಿ ಮಂಜು 

ಬೆರಗಾಗಲೇ ಬೇಕು ಸೃಷ್ಟಿಕರ್ತನ  

ಈ ಸೊಬಗನೋಡಿ 

ಇದಕೆ ಇಹುದೆ ಸಾಟಿ ಬೇರೆ ಈ ಜಗತ್ತಿನಲ್ಲಿ !!

ಅರ್ಪಿತಾ ಹರ್ಷ 

ಲಂಡನ್ 

ಬದುಕು

ಈ ನನ್ನ ಕವನವು ಈ ಕನಸು ವಿನಲ್ಲಿ ಪ್ರಕಟಗೊಂಡಿದೆ <a>"http://www.ekanasu.com/2012/12/blog-post_27.html" <a/>

ಸೂರ್ಯ ಮುಳುಗುವ ಹೊತ್ತು 

ಹಕ್ಕಿಗಳು ಹೊರಟಿವೆ ಮನೆಯ ಕಡೆಗೆ 

ಸಂಜೆ ಬಾನಲಿ ಸೂರ್ಯ 

ಅಣಕಿಸುತಿರುವ  ನನ್ನ ನೋಡಿ 

ನಿನ್ನದೇನಿದು  ಬದುಕು ಬರೀ ರಾಡಿ !

ಹಾರಾಡುವ ಹಕ್ಕಿಗಳಿಗೋ 

ಸ್ವಚ್ಚಂದದ  ಬದುಕು 

ಮಾನವ ನ ಬದುಕೋ 

ಬರೀ ಒಡಕು ಒಡಕು !

ಹಾರಾಡ ಬೇಕಿದೆ ಹಕ್ಕಿಯಂತೆ 

ಇಲ್ಲದಿರೆ ಮನದ  ತುಂಬಾ ಬರೀ ಬೇಡದಾ  ಚಿಂತೆ 

ಕಲಿಯಬೇಕಿದೆ ಹಕ್ಕಿಗಳ ನೋಡಿ 

ಬದುಕೆಂಬುದು ಒಂದು ಮೋಡಿ !

ಮುಳುಗುತಿರುವನೇ  ಸೂರ್ಯ 

ಮುಪ್ಪಿನ ಸುಳಿವು ನೀಡಿ ?

ಮುಗಿದುಹೋಯಿತೇ ಬದುಕು 

ನಾಲ್ಕು ದಿನಗಳು  ಕೂಡಿ ?

ಅರ್ಪಿತಾ ರಾವ್ 

ಬದಲಾಗದಿರು

ಈ ನನ್ನ ಕವನವು ಈ ಕನಸುವಿನಲ್ಲಿ ಪ್ರಕಟಗೊಂಡಿದೆ  http://www.ekanasu.com/2012/12/blog-post_26.html

ಕಳೆಯಬೇಕಿದೆ ಬದುಕಿನ ಬಹಳಷ್ಟು ದಿನಗಳನ್ನು 

ಕಲಿಯಬೇಕಿದೆ ಬದುಕು ಹಸನಾಗಿಸುವುದನ್ನು 

ನೆನ್ನೆಯ ನಿನ್ನೆಗಳು ಇಂದು 

ದಿನಗಳಾಗಿ ಉಳಿದಿಲ್ಲ 

ಅದು ಬರಿ ನೆನಪಾಗಿಹೊಯಿತಲ್ಲ !

ಬದುಕಿನ ಪ್ರತಿ ಕ್ಷಣಗಳಲ್ಲಿ 

ಜೊತೆಯಾಗಿರುವೆ ಎಂದು ಬಂದೆ 

ದಿನಕಳೆದಂತೆ ನಿನ್ನಲ್ಲೇ ನೀ ಕಳೆದುಹೋದೆ 

ನಗು ತುಂಬಿ ಹರಟುತ್ತಿರುವ 

ಆ ದಿನಗಳು ಇಂದು ಬರೀ ನೆನಪು 

ಉಸಿರಾಟದ ಶಬ್ದ ಕಿವಿಗೆ ರಾಚುತ್ತಿರುವ 

ಈ ಕರಾಳ ದಿನಗಳೇ ಇಂದಿನ ಬದುಕು !!

ಕಳೆಯಬೇಕಿದೆ ಇನ್ನೂ  ಸಾಕಷ್ಟು 

ದಿನಗಳು ಜೊತೆಯಲ್ಲಿ 

ಸುಂದರ ದಿನಗಳು ಮರೆಯಾಗಲು 

ನಾ ತಪ್ಪು ಮಾಡಿದ್ದೆಲ್ಲಿ ?

ಬರಬಹುದು ಬದುಕಿನಲ್ಲಿ ಸಾಕಷ್ಟು ಗೊಂದಲಗಳು 

ನೀ ಕೊಟ್ಟಿದ್ದೆ ಮಾತು ಆಗೆಲ್ಲ 

ನಾ ನಿನ್ನೊಂದಿಗಿರುವೆ ಹಗಲು ಇರುಳು 

ಬೆಳಗು ಕತ್ತಲು  ಎಂಬುದು ಪ್ರಕೃತಿ ನಿಯಮ 

ಹಾಗೆಯೇ ಬದುಕೆಂಬುದು 

ನೋವು ನಲಿವುಗಳ ಸಂಗಮ 

ನಾ ಬಲ್ಲೆ ಪರಿವರ್ತನೆ ಜಗದ ನಿಯಮ 

ಆದರೂ  ನಾ ಕೆಳುವುದೊಂದೇ 

ಬದಲಾಗದಿರು ನೀ ಕಳೆದುಕೊಂಡು ಸಂಯಮ !!

ಅರ್ಪಿತಾ ರಾವ್ 

ಲಂಡನ್

ಮನಸ್ಸೆಂಬ ಚಿಟ್ಟೆ

ಈ ನನ್ನ ಕವನವು ೦೪.೦೨.೧೩ ರ ಪಂಜುವಿನಲ್ಲಿ ಪ್ರಕಟಗೊಂಡಿದೆ http://www.panjumagazine.com/?p=462


ಚಿಟ್ಟೆ ಚಿಟ್ಟೆ ಬಣ್ಣದ ಚಿಟ್ಟೆ 

ನೋಡಲು ಕಣ್ಣುಗಳು ಸಾಲದು

ಮೈಯ ಮೇಲೆಲ್ಲಾ ಕಪ್ಪು ಕಂಗಳು

ನೋಡುಗರ ಕಣ್ಮನ ಸೆಳೆಯುವುದು 

ಅಲ್ಲಿಂದಿಲ್ಲಿಗೆ ಹಾರುವೆ 

ಹಿಡಿಯಲು ಹೋದರೆ ಓಡುವೆ 

ಜಗದ ಸೃಷ್ಟಿಯ ಮೆಚ್ಚಲೇ ಬೇಕು 

ನಿನಗೆ ನೀನೆ ಸಾಟಿಯಿರಬೇಕು 

ಒಮ್ಮೆ ಇಲ್ಲಿ ಒಮ್ಮೆ ಇನ್ನೆಲ್ಲೋ 

ಹಾರುವ ನಿನ್ನನು ನೋಡಿದರೆ 

ಮನಸು ಕೂಡ ನಿನ್ನೊಡನೆಯೇ 

ಕುಣಿಯುತ ಹೊರಡುವುದು ಬೇರೆಡೆಗೆ !!

ಕನವರಿಕೆ

ಮನದ ಮೂಲೆಯಲ್ಲೆಲ್ಲೋ ನೆನಪುಗಳ
ಚಡಪಡಿಕೆ
ಬೇಸರ ಕಳೆಯಲು ನಿನ್ನದೇ ಹಾಡಿನ
ಸಾಲುಗಳ ಗುನುಗುನಿಸುವಿಕೆ
 ಹಗಲು ಇರುಳು ನಿನದೆ ಕನವರಿಕೆ
ಸಾಕು ನಿನ್ನ ಅಗಲುವಿಕೆ
ಬಾ ಬೇಗ ಸನಿಹಕೆ .

-ಅರ್ಪಿತಾ ಹರ್ಷ
 

ದಾರಿ

ಹಣತೆಯ ಬೆಂಕಿಯಲಿ 

ಆಟವಾಡುವ ಚಿಟ್ಟೆ ನೀನಾದರೆ

ದೀಪ ಹಚ್ಚಲು ಬಳಸುವ 

ಬತ್ತಿ ನಾನು

ನಾ ಹೊತ್ತಿ ಉರಿಯುತ್ತಿದ್ದರೆ 

 ನೀ ಬಂದು ಹಾರಾಡುವೆ 

ನಿನಗೆ ತಪ್ಪಿಸಿಕೊಳ್ಳುವ 

ಅವಕಾಶವಾದರೂ ಇದೆ 

ನನಗೆ ದಗದಗಿಸಿ ಉರಿಯುವುದೊಂದೇ ದಾರಿ

ಅರ್ಪಿತಾ ಹರ್ಷ 

ಪ್ರಶ್ನೆ ?

ಅಂದು ನೀ ಬರುವೆ ಎಂದಿದ್ದೆ
ಬರುವ ದಾರಿಯ ಕಾದು ಸೋತೆ ನಾನು
ಕೊಟ್ಟ ಭರವಸೆಗಳ ಮರೆತೆಯೇಕೆ?
ನನ್ನ ಬಿಟ್ಟು ನೀ ಬರಲಾರದ
ಜಾಗಕ್ಕೆ ಹೋದೆ ಏಕೆ ?
ಬರಲಿಲ್ಲ ಏಕೆ ಎಂದು ಪ್ರಶ್ನಿಸುವ
ಅವಕಾಶ ನೀ ಕೊಡಲಿಲ್ಲ ನನಗೆ
ನೀ ಕೊಟ್ಟಿದ್ದರೆ ಇನ್ನೊಮ್ಮೆ
ಎಲ್ಲೂ ಹೋಗದಂತೆ ಬಿಗಿದಪ್ಪಿ
ನಿಲ್ಲಿಸಿಬಿಡುತ್ತಿದ್ದೆ ಅದಿಲ್ಲದಿದ್ದರೆ
ನಿನ್ನೊಡನೆ ನಾನೂ ಬಂದುಬಿಡುತ್ತಿದ್ದೆ .


ಅರ್ಪಿತಾ

ಸಂದೇಹ

ಕಣ್ಣಲ್ಲಿ ಒಂದು ಹನಿಯೊಂದು ಬಂದು
ನೀರಾಗಿ ಬೀಳುತಿಹುದೇ ?
ನೀ ನಲ್ಲಿ ಇಂದು ನಾನಿಲ್ಲದೆಯೇ
ಹೀಗೇಕೆ ಕೊರಗುತಿರುವೆ
ಒಂದು ಗಳಿಗೆ ಬಂದು ಎದುರು ನಿಂತು
ನೀ ಕೇಳಬಾರದೇಕೆ?
ಮನಸಲ್ಲೇ ಎಲ್ಲ ನೆನೆನೆನೆಸಿಕೊಂಡು
ಕನಸನ್ನು ಕಾಣುವುದೇಕೆ?
ನಿನಗಾಗಿ ನಾನು ನನಗಾಗಿ ನೀನು
ಇದು ನಿಜವೇ ಎಂಬ ಸಂದೇಹವೇಕೆ ?

ಬೋಳು ಮರ

ಬದಲಾದ ಋತುವಿಗೆ
ಉದುರಿವೆ ಎಲೆಗಳು
ಬದುಕಿನ ಜೊತೆ ಆಟ
ಇದು ಯಾವ ಹೋರಾಟ
ಹತ್ತಿರ ಸುಳಿಯದ
ಹಕ್ಕಿಗಳು ,ಖಾಲಿಯಾದ
ಗೂಡು ,ಕೇಳದ ಚಿಲಿಪಿಲಿಗಳು
ನಡುಗುತಿಹುದು ಜೀವ
ಒಂಟಿ ಒಂಟಿ ಎನಿಸಿ
ಮನದಲೇನೋ ಬೇಸರ
ನೋಡಿ ಆ ಬೋಳು ಮರ

ಸಂಜೆ

ನಮ್ಮ ಮನೆಯ ಕಿಟಕಿಯಿಂದ ಒಂದು ಸಂಜೆ ನಾ ತೆಗೆದ ಚಿತ್ರ ಅದನ್ನು ನೋಡುತ್ತಾ ನನ್ನ ಮನದಲ್ಲಿ ಮೂಡಿದ ಕವಿತೆ ಇದು

ಬೆಳಕ ಸರಿಸಿ
ಮುಸುಕು ಕವಿದು
ಆವರಿಸುತಿದೆ ಕತ್ತಲು
ಬಾಳ ಸವೆಸಿ
ಮುಗಿದ ಬದುಕು
ಸಾಗುತಿದೆ ಎತ್ತಲೋ ?
ಮುಗಿದ ದಿನದ
ಸೂಚನೆಯೋ ಕೂಗುತಿಹುದು
ಹಕ್ಕಿಗಳು
ಬಾನ ದಾಟಿ ಗೂಡು
ಸೇರಹೊರಟಿಹುದು
ಬಯಕೆಗಳು

ಆಸೆ

ಬಿರುಗಾಳಿಯಲ್ಲೊಮ್ಮೆ ಗಟ್ಟಿಯಾಗಿ ನಿನ್ನ ತಬ್ಬಿ
ತಿರುಗುವಾಸೆ
ಮಳೆಯ ಆರ್ಭಟದಲ್ಲಿ ಕೊಡೆಯಿಲ್ಲದೆ
ನಿನ್ನ ಕೈ ಹಿಡಿದು ನಡೆಯುವಾಸೆ
ದಟ್ಟಕಾನನದ ನಡುವೆ ನಿನ್ನ ಜೊತೆಗೂಡಿ
ಹೆಜ್ಜಇಡುವಾಸೆ
ಕತ್ತಲಲ್ಲಿ ಕುಳಿತು ನಿನ್ನ
ಪಿಸುಮಾತ ಕೇಳುವಾಸೆ