ಕಸದಿಂದ ರಸ

ಈ ನನ್ನ ಲೇಖನವು ದಟ್ಸ್ ಕನ್ನಡದಲ್ಲಿ ಪ್ರಕಟಗೊಂಡಿದೆ http://kannada.boldsky.com/home-garden/decor/2012/home-decoration-by-trash-003674.html

ಮನೆಯಲ್ಲಿಯೇ ಇರುವ ಗೃಹಿಣಿಯರಿಗೆ ಮನೆಕೆಲಸ ಮುಗಿದ ನಂತರ ಸಮಯ ವ್ಯರ್ಥ ಮಾಡುವ ಬದಲು  ಮನೆಯಲ್ಲಿಯೇ ಇರುವ ಹಲವಾರು ಬೇಡದ ವಸ್ತುಗಳಿಂದ ಹೆಚ್ಚಿನ ಖರ್ಚಿಲ್ಲದೆ ಆಕರ್ಷಕ ವಸ್ತುಗಳನ್ನು ತಯಾರಿಸಿ ಮನೆಯನ್ನು ಅಲಂಕರಿಸಬಹುದು . 

೧.ಎಲ್ಲರ ಮನೆಯಲ್ಲೂ ಹಲವಾರು ಸ್ಟೀಲ್ ಪ್ಲೇಟ್ ಗಳು ಇದ್ದೆ ಇರುತ್ತದೆ . ಸ್ಟೀಲ್ ಪ್ಲೇಟ್ ಗಳು ಹೆಚ್ಚಾಗಿ ಮೂಳೆ ಸೇರುವ ಬದಲು ಅದರಿಂದ ಒಂದು ಆರತಿಯ ತಟ್ಟೆ ಯನ್ನೇ ತಯಾರಿಸಬಹುದು . ನಮಗೆ ಇಷ್ಟವಾದ ಬಣ್ಣವನ್ನು ತಂದು ಪ್ಲೇಟ್ ನ ಮೇಲ್ಭಾಗದಲ್ಲಿ ಹಚ್ಚಬೇಕು ದೇವರ ವಸ್ತು ವಾಗಿದ್ದರಿಂದ ಹಳದಿ ಅಥವಾ ಕೆಂಪು ಬಣ್ಣ ಚೆನ್ನಾಗಿ ಕಾಣುತ್ತದೆ ಬಣ್ಣ ಒಣಗುವ ವರೆಗೆ ಬಿಸಿಲಿನಲ್ಲಿ ಇಟ್ಟು ನಂತರ ಅದರ ಮೇಲೆ ಗೊತ್ತಿರುವ ಯಾವುದಾದರು ಡಿಸೈನ್ ಅಥವಾ ರಂಗೋಲಿಯನ್ನು ಬಿಳಿ ಬಣ್ಣದಲ್ಲಿ ಆಕರ್ಷಕವಾಗಿ ಬಿಡಿಸಿದರೆ ಪ್ರತಿ ದಿನ ದೇವರಿಗೆ ಆರತಿ ಮಾಡುವಾಗ ಆಕರ್ಷಕ ಆರತಿ ತಟ್ಟೆ ರೆಡಿ .

೨. ಚಾಕೊಲೆಟ್ ಕವರ್ ಗಳು ಎಲ್ಲರ ಮನೆಯಲ್ಲೂ ಇದ್ದೆ ಇರುತ್ತದೆ(ಚಿಕ್ಕ ಚಾಕೊಲೆಟ್ ಗಳು ) ಚಾಕಲೇಟ್ ತಿಂದನಂತರ ಕವರ್ ಅನ್ನು ಎಸೆಯುವ ಬದಲು ಎಲ್ಲವನ್ನು ಒಟ್ಟು ಹಾಕಿ ಒಂದು ೨೦ ಕವರ್ ಆದ ನಂತರ ಅದನ್ನು ಒಂದು ಸುರುಳಿ ಸುತ್ತಿ ಮಧ್ಯದಲ್ಲಿ ಒಂದು ಗಂಟು ಕಟ್ಟಿ ಹೀಗೆ ಎಲ್ಲ ಕವರ್ ಗಳನ್ನೂ ಗಂಟು ಕಟ್ಟಿ ಯಾದ ನಂತರ ಅದನ್ನು ದಾರದಿಂದ ಒಂದಕೊಂದು ಸೇರಿಸಿ ಹೊಳೆಯಿರಿ ಆಗ ಸುಂದರವಾದ ತೋರಣ ತಯಾರಾಗುತ್ತದೆ . ದೇವರ ಮೆನೆಎದುರು ಅಥವಾ ಅಡುಗೆ ಮನೆಯೆದುರು ಬಾಗಿಲಿಗೆ ಆಕರ್ಷಕವಾಗಿ ಕಾಣುವಂತೆ ನೇತು ಹಾಕಬಹುದು.

೩.ಮನೆಗೆ ಬರುವ ಹಲವಾರು ಪೋಸ್ಟ್ ಲೆಟರ್ ಗಳು ಬಿಳಿ ಬಣ್ಣದ್ದಗಿರುತ್ತದೆ ಒಲೆಗಿನ ಲೆಟರ್ ತೆಗೆದು ಮೇಲಿನ ಕವರ್ ಅನ್ನು ಎಸೆಯದೆ ಅದಕ್ಕೆ ನಮಗೆ ಇಷ್ಟವಿರುವ ಬಣ್ಣ ಹಚ್ಚಿ ಸುರಳಿ ಸುತ್ತಿ ನಂತರ ಕೆಳಗೆ ಒಂದು ಸಣ್ಣ ಹಿಡಿಕಡ್ಡಿ ಅಥವಾ ಬೆಂಕಿ ಕಡ್ಡಿ ಹಾಕಿ ಹೂವನ್ನು ತಯಾರಿಸಬಹುದು , ಬೇರೆಬೇರೆ  ರೀತಿಯ ಹೂವುಗಳನ್ನು ತಯಾರಿಸಿ ಒಂದು ಗಾಜಿನ ಆಕರ್ಷಕ ಸ್ಟ್ಯಾಂಡ್ ಒಳಗೆ ಹಾಕಿ ಮೇಜಿನ  ಮೇಲೆ ಇಟ್ಟರೆ ನೋಡಲು ಸುಂದರವಾಗಿರುತ್ತದೆ.

೪. ಹಳ್ಳಿ ಮನೆಗಳಲ್ಲಿ ತಾವರೆ , ನೆಲಸಂಪಿಗೆ ಹೂಗಳು ಸಾಕಷ್ಟು ಬೆಳೆಯುತ್ತಾರೆ  ಮನೆಯಲ್ಲಿ ಇರುವ ಹಳೆಯ ಬಾಟಲಿಯನ್ನು ಚೆನ್ನಾಗಿ ತೊಳೆದು ಅದರ ಮೇಲೆ ಬಣ್ಣದಿಂದ ಡಿಸೈನ್ ಗಳನ್ನು ಬಿಡಿಸಿ ಒಣಗಿದ ನಂತರ ಸ್ವಲ್ಪ ನೀರು ಹಾಕಿ ಮನೆಯಲ್ಲಿಯೇ ಬೆಳೆದ ಸುಂದರ ಹೂವುಗಳನ್ನು ಹಾಕಿ ಟಿಪಾಯಿಯ ಮೇಲೆ ಇಟ್ಟರೆ ನೋಡುಗರ ಮನ ಸೆಳೆಯುತ್ತದೆ ಮತ್ತು ಒಳಗೆ ನೀರು ಹಾಕಿ ಇಟ್ಟಿರುವುದರಿಂದ ಬೇಗ ಒಣಗುವುದಿಲ್ಲ.

ಅರ್ಪಿತಾ ಹರ್ಷ

ಲಂಡನ್

ಡಬ್ಬಿಂಗ್ ಮಾರಕ ಅಲ್ಲವೇ ಅಲ್ಲ

ದಟ್ಸ್ ಕನ್ನಡದಲ್ಲಿ ಪ್ರಕಟಗೊಂಡಿದೆ http://kannada.oneindia.in/movies/news/2012/04/25-kannada-needs-dubbing-films-says-arpita-rao-aid0052.html

ಬೇರೆ ಭಾಷೆಯಲ್ಲಿ ಬರುವ ಕಾರ್ಯಕ್ರಮಗಳನ್ನು ಅಥವಾ ಸಿನೆಮಾಗಳನ್ನು ಡಬ್ಬಿಂಗ್ ಮಾಡುವುದು ಪೂರಕವೋ ಅಥವಾ ಮಾರಕವೋ ಎಂಬ ಬಗ್ಗೆ ದಟ್ಸ್ ಕನ್ನಡದಲ್ಲಿ ನಡೆದ ಚರ್ಚೆಗೆ ಬರೆದ ಲೇಖನವಿದು .

ಡಬ್ಬಿಂಗ್ ಎನ್ನುವುದು ಕೇವಲ ಕನ್ನಡ ರಂಗದಲ್ಲಿ ಮಾತ್ರ ಇರುವಂತಹದಲ್ಲ ಇದು ಎಲ್ಲ ಭಾಷೆಗಳಲ್ಲೂ ಇದೆ .ಬೇರೆಬೇರೆ ಭಾಷೆಗಳಲ್ಲಿ ಪ್ರಸಿದ್ಧಿ ಪಡೆದ ಕಾರ್ಯಕ್ರಮಗಳು ಸಿನಿಮಾಗಳನ್ನು ತಮ್ಮ ಭಾಷೆಗೆ ಡಬ್ಬಿಂಗ್ ಮಾಡುವುದು ಹೊಸತಲ್ಲ .ಹೀಗಿರುವಾಗ ಕನ್ನಡದಲ್ಲೂ ಮಾಡಿದರೆ ಇದರಲ್ಲಿ ಯಾವುದೇ ರೀತಿಯ ತಪ್ಪಿಲ್ಲ . ಜೊತೆಗೆ ಇಲ್ಲಿ ಮಾರಕವಾಗುವುದು ಏನೂ ಇಲ್ಲ. ನಮ್ಮ ಕರ್ನಾಟಕದಲ್ಲಿರುವವರಿಗೆ ಕನ್ನಡಿಗರಿಗೆ ತಮ್ಮ ಮಾತೃ ಭಾಷೆ ಕನ್ನಡ ಎಲ್ಲರಿಗೂ ಗೊತ್ತಿರುತ್ತದೆ ಎಲ್ಲೊ ಓದಿದವರಿಗೆ ಬೇರೆ ಭಾಷೆಯ ಒಡನಾಟ ಇರುವವರಿಗೆ ಕನ್ನಡವಲ್ಲದೆ ಹಲವು ಭಾಷೆ ತಿಳಿದಿರುತ್ತದೆ ಮತ್ತು ಅಂತವರು ಬೇರೆ ಭಾಷೆಯಲ್ಲಿ ಜನಪ್ರಿಯತೆ ಹೊಂದಿದ ಕಾರ್ಯಕ್ರಮಗಳನ್ನು ಅಥವಾ ಚಲನಚಿತ್ರಗಳನ್ನು ವೀಕ್ಷಿಸಬಹುದು. ಆದರೆ ಕೇವಲ ಕನ್ನಡವೊಂದೆ ತಿಳಿದಿರುವವರು ಬೇರೆ ಭಾಷೆಯ ಕಾರ್ಯಕ್ರಮಗಳನ್ನು ನೋಡುವ ಪ್ರಯತ್ನ ಮಾಡುವುದಿಲ್ಲ. ಅದರಲ್ಲೂ ಹಳ್ಳಿಗಳಲ್ಲಿರುವ ಕನ್ನಡಿಗರು  ಕನ್ನಡ ಚಲನಚಿತ್ರಗಳನ್ನು  ಥಿಯೇಟರ್ ಗಳಿಗೆ ಹೋಗಿ ವೀಕ್ಷಿಸುವುದು ಬಹಳ ಕಡಿಮೆ ಇನ್ನು ಬೇರೆ ಭಾಷೆಯ ಚಲನಚಿತ್ರಗಳನ್ನು ಅಥವಾ ಟಿವಿ ಕಾರ್ಯಕ್ರಮಗಳನ್ನು ನೋಡುವುದು ಸತ್ಯಕ್ಕೆ ದೂರದ ಸಂಗತಿ .ಉದಾಹರಣೆಗೆ ನಾಗವಲ್ಲಿ ಅಂತಹ ಚಲನಚಿತ್ರಗಳು ತಮಿಳು ತೆಲುಗಿನಲ್ಲಿ ಪ್ರಸಿದ್ಧಿ ಪಡೆದಿದ್ದರೂ ಕೂಡ ಕನ್ನಡದಲ್ಲಿ ಇದನ್ನು ತರದಿದ್ದರೆ ಕನ್ನಡ ಚಿತ್ರರಂಗಕ್ಕೆ ಒಂದು ನಷ್ಟವಾಗುತ್ತಿತ್ತು .

ಇನ್ನು ಡಿಸ್ಕವರಿ ಪೋಗೋ ದಂತ ಚಾನೆಲ್ ಗಳು ಜನರಿಗೆ ಒಳ್ಳೆಯ ಮಾಹಿತಿ ನೀಡುವ ಕಾರ್ಯಕ್ರಮಗಳನ್ನು ಪ್ರಕತಿಸುವುದರಿಂದ ಅಂತಹದನ್ನು ಕನ್ನಡದಲ್ಲಿ ಡಬ್ಬಿಂಗ್ ಮಾಡುವುದರಿಂದ ಎಲ್ಲ ಕನ್ನಡಿಗರು ನೋಡಲು ಪ್ರಾರಂಭಿಸುತ್ತಾರೆ ಮತ್ತು ಇದರಿಂದ ತಮ್ಮ ಜ್ಞಾನ ಹೆಚ್ಚಿಸಿಕೊಳ್ಳುತ್ತಾರೆ . ಜೊತೆಗೆ ಕೆಲವೊಂದು ಸಿನೆಮಾಗಳಲ್ಲು ಕೂಡ ತಿಳಿದುಕೊಳ್ಳುವುದು ಇರುತ್ತದೆ ಅಂತಹವನ್ನು ಡಬ್ಬಿಂಗ್ ಮಾಡುವುದರಿಂದ ಅನುಕೂಲವೇ ಹೊರತು ಯಾವುದೇ ರೀತಿಯ ಅನಾನುಕೂಲತೆಗಳು ಇಲ್ಲ  .ಆದ್ದರಿಂದ ಡಬ್ಬಿಂಗ್ ಯಾವುದೇ ರೀತಿಯಲ್ಲೂ ಕೂಡ ಮಾರಕವಾಗಲಾರದು .

ಗುಲಾಬಿ ಹೂವಿಗಾಗಿ ಕಾದುಕುಳಿತಿರುವ ಜೀವದ ಗೆಳತಿ

ಈ ನನ್ನ ಲೇಖನವು ದಟ್ಸ್ ಕನ್ನಡ ದಲ್ಲಿ ಪ್ರಕಟಗೊಂಡಿದೆhttp://kannada.boldsky.com/relationship/2012/02/0206-will-you-again-present-me-rose-on-vday-aid0038.html


ಜೀವದ ಒಡೆಯ,

ಕಳೆದ ದಿನಗಳ ಮೆಲುಕು ಎಂದೆಂದು ಅದ್ಬುತ. ಸ್ನೇಹ ಪ್ರೀತಿಯಾಗಿ ಹೊರಹೊಮ್ಮುವಾಗ ಆಗುವ ಆನಂದ ಬಣ್ಣಿಸಲು ಅಸಾದ್ಯ. ನಿನ್ನೊಡನೆ ಕಳೆದ ನೆನಪುಗಳು ಸುಂದರ ಅತಿಸುಂದರ. ಮೊದಲ ಭೇಟಿಯಲ್ಲೇ ಕಣ್ಣ ಸೆಳೆದ ನೀನು ಕಣ್ಣಲ್ಲೇ ಒಪ್ಪಿಗೆ ಸೂಸಿದಾಗ ಮನ ಸಂತೋಷದಿಂದ ಕುಣಿದಿತ್ತು. ನೀ ಕೈಗಿತ್ತ ಆ ಗುಲಾಬಿ ಇಂದು ನನ್ನ ಮುಡಿ ಸೇರಿ ನಗುತ್ತಿದೆ. ಮೊದಲ ಪ್ರೇಮಿಗಳ ದಿನದಂದು ಕಳುಹಿಸಿದ ಆ ಹದಿನೆಂಟು ಕೆಂಪು ಗುಲಾಬಿ ನೋಡಿದಷ್ಟು ಮತ್ತೆ ಮತ್ತೆ ನೋಡಬೇಕೆಂಬ ಹಂಬಲ ತರಿಸಿತ್ತು.

ನೆನಪಿದೆಯ ಗೆಳೆಯ ಅದೇ ಮೊದಲ ಬಾರಿ ನಾನು ನಿಮ್ಮನ್ನು ಭೇಟಿ ಮಾಡಿದಾಗ ಸಮಯ ಕಳೆದುದೇ ತಿಳಿಯದಂತೆ ಹರಟಿದ್ದೆವು. ಆ ದಿನ ನಿಮ್ಮ ಪ್ರತಿ ಮಾತು ಅರ್ಥಪೂರ್ಣವಾಗಿದ್ದವು. ನನ್ನ ಮನ ತಟ್ಟುವಂತೆ ನಿಮ್ಮ ಮಾತಿನಿಂದಲೇ ನನ್ನ ಮೋಡಿ ಮಾಡಿದ್ದಿರಿ. ಮೊದಲ ಭಾರಿಯ ಪ್ರೇಮಿಗಳ ದಿನದಂದು ಬೆಳಗಿನ ಮುಂಜಾವಿನಲಿ ಎದುರು ಬಂದು ನಿಂತು ಕೆಂಪು ಗುಲಾಬಿಯನ್ನು ಕೈಗಿತ್ತಾಗ ಸ್ವರ್ಗಕ್ಕೆ ಮೂರೇ ಗೇಣು ಎಂಬ ನುಡಿ ಮನದಲ್ಲೊಮ್ಮೆ ಮಿಂಚಿತ್ತು.

ಆ ದಿನ ನನ್ನ ಜೀವನದ ಅತ್ಯಂತ ಸಂತೋಷದ ದಿನವಾಗಿತ್ತು. ಅಂದಿನಿಂದ ನನ್ನ ಎಲ್ಲ ಕ್ಷಣಗಳು ಸಂತೋಷವಾಗಿರುವಂತೆ ನೋಡಿಕೊಂಡ ನಿನಗೆ ನನ್ನ ಒಲವೆ ಕಾಣಿಕೆ. ಆ ಪ್ರೇಮಿಗಳ ದಿನದಂದು ಪ್ರಾರಂಭವಾದ ನಮ್ಮ ಜೀವನ ಪ್ರತಿದಿನವೂ ಪ್ರೆಮಿಗಳ ದಿನದಂತೆಯೇ ಸಾಗುತ್ತಿದೆ. ಆದರೂ ನಮ್ಮಿಬ್ಬರ ಆ ಮೊದಲ ಬಾರಿಯ ಪ್ರೇಮಿಗಳ ದಿನ ಎಂದೆಂದಿಗೂ ಹಚ್ಚ ಹಸಿರು. ನೀ ಕೊಟ್ಟ ಆ ಗುಲಾಬಿ ಹೂಗಳ ಎಸಳುಗಳು ನನ್ನ ಡೈರಿಯ ಒಂದೊಂದು ಪುಟದಲ್ಲೂ ನೆನಪುಗಳ ಸರಮಾಲೆಯಾಗಿ ಬೆಚ್ಚಗೆ ಕುಳಿತಿವೆ.

ಮತ್ತೆ ಈ ವರುಷದ ಪ್ರೇಮಿಗಳ ದಿನ ಸನಿಹ ಬಂದಿದೆ. ನಿನ್ನ ಆ ಕೆಂಪು ಗುಲಾಬಿಗಾಗಿ ಕಾಯುತ್ತಾ ಕುಳಿತಿರುವೆ.